+37c

Буюк Хитой девори барчамизга таниш ва у Чин ўлкасининг асосий рамзларидан бири саналади. Аммо Хитойда яна бир “девор” ҳосил бўлмоқда ва унинг аҳамияти тарихий “шериги”дан кам эмас. Деярли ярим аср давомида Хитой инсоният тарихидаги энг йирик ўрмонларни қайта тиклаш лойиҳаларидан бирини амалга ошириб келмоқда. Шу вақт ичида Буюк яшил девор дастури доирасида тахминан 66 миллиард дарахт экилди ва Гоби ва Такламакон чўллари бўйлаб улкан яшил камар ҳосил қилинди. Лойиҳа асосий мақсади тобора кенгайиб бораётган чўлланишни тўхтатиш ва экологик барқарорликни сақлаб қолишдир.