Трампдан янги сигналлар, Ҳормузда кемалар ҳаракати кескин камайди

Сўнгги кунларда АҚШ атрофида бир вақтнинг ўзида бир нечта муҳим воқеа рўй бермоқда. Улар таҳлил қилинса, Вашингтоннинг ташқи сиёсати ва дунёдаги геосиёсий вазият тобора кескинлашаётгани маълум бўлади. Улар орасида яхши хабарлардан бири шуки, АҚШга кириш учун 75 та давлат фуқароларининг иммиграция визалари қайта кўриб чиқила бошланди.

Улар орасида Россия ҳам бор.
Бироқ ҳозирча аризаларни қабул қилиш фақат Венгрия ва Полшада амалга оширилиши айтилмоқда.

Германия биринчи F-35А самолётини синовдан ўтказди

АҚШда Германия ҳарбий ҳаво кучлари учун ишлаб чиқарилган биринчи F-35А Lightning II қирувчи самолёти илк бор парвоз қилди.
Бу Германиянинг ҳарбий салоҳиятини кучайтириш ва НАТО доирасида ҳаво мудофаасини модернизация қилиш режаларининг муҳим қисмларидан бири.

Трампнинг Исландия харитаси можарога сабаб бўлди

Дональд Трампнинг Truth Sosial тармоғида АҚШ байроғи остидаги Исландия харитаси акс этган тасвирни жойлаштириши Исландия ҳукуматининг кескин муносабатига сабаб бўлди.
Исландия Ташқи ишлар вазирлиги АҚШ элчисини чақириб, постни «мутлақо номақбул» деб баҳолади.

Бу воқеа Трампнинг Гренландия ва Арктика минтақасига нисбатан аввал билдирган даъволари Европа давлатларида ҳали ҳам жиддий хавотир уйғотаётганини кўрсатмоқда.

Ҳормуз бўғозида эса вазият янада жиддий

Эрон ва АҚШ ўртасидаги кескинлик дунё иқтисодиёти учун энг катта хавфлардан бирига айланмоқда.
Reuters маълумотига кўра, Ҳормуз бўғози орқали кемалар ҳаракати кескин камайган. Сешанба куни бўғоздан атиги 6 та товар ташувчи кема ўтган. Бу кўрсаткич олдинги кунга нисбатан ҳам кам ва сўнгги 10 кунлик ўртача кўрсаткичдан анча паст.

Муаммонинг жиддийлиги шундаки, урушдан олдин Ҳормуз бўғози орқали жаҳон нефт ва суюлтирилган газ таъминотининг қарийб 20 фоизи ўтар эди.

Эрон ва АҚШ ўртасидаги сўнгги ҳужумлардан кейин эса нефт нархи яна 100$ дан ошди. Reuters маълумотига кўра, Brent нефти 101$ дан юқорига кўтарилган.

Зебо Намозова,
Ishonch.uz