“Толимаржон ИЭС” АЖда куз-қиш мавсумига тайёргарлик ва меҳнат шароитлари ўрганилди

“Иссиқлик электр станциялари” АЖ Бирлашган касаба уюшмаси қўмитаси масъуллари томонидан “Толимаржон ИЭС” АЖда жамоатчилик назорати тадбири ташкил этилди.

Тадбир давомида корхонанинг барча цехларида куз-қиш мавсумига тайёргарлик ҳолати, технологик ускуналарнинг созлиги, меҳнат муҳофазаси ва техника хавфсизлиги талабларига риоя этилиши, шунингдек, ишчи-ходимлар учун яратилган меҳнат шароитлари ўрганилди. Ходимларнинг махсус кийим-бош ва шахсий ҳимоя воситалари билан таъминланганлигига ҳам алоҳида эътибор қаратилди.

Шунингдек, корхонада “Яшил макон” умуммиллий лойиҳаси доирасида амалга оширилаётган кўкаламзорлаштириш, ободонлаштириш ва яшил ҳудудларни кенгайтириш ишлари билан танишилди.

Ўрганиш жараёнида мавжуд масалалар юзасидан масъул ходимларга тегишли тавсия ва кўрсатмалар берилиб, меҳнат шароитларини янада яхшилаш ҳамда ҳудуднинг экологик ҳолатини яхшилаш бўйича ишларни изчил давом эттириш муҳимлиги таъкидланди.