Савол: Иш ҳақи сақланмайдиган таътил кимларга берилади?

Жавоб: Меҳнат кодексининг 241-моддасига кўра, бундай таътил ходимнинг ёзма аризаси асосида иш берувчи билан келишувга кўра берилади. У 12 ой давомида жами 3 ойдан ошмаслиги керак.
Айрим тоифадаги ходимларга эса таътил мажбурий тартибда берилади:
▪️ уруш қатнашчилари — йилига 14 кунгача;
▪️ I ва II гуруҳ ногиронлиги бўлган шахслар — 14 кунгача;
▪️ 2 ёшдан 3 ёшгача болани парваришлаётган шахслар;
▪️ 12 ёшга тўлмаган 2 ва ундан ортиқ боласи ёки 16 ёшга тўлмаган ногирон боласи бор ота-оналар — 14 кунгача.
Бунинг учун иш берувчига ёзма ариза берилади. Зарур ҳолларда имтиёзни тасдиқловчи ҳужжатлар ҳам илова қилинади.