Saudiya Arabistonining Makka shahrida o'tkazilayotgan “Makka Halal Forum” xalqaro tadbirida “Qo'shrabot Agro Star” MShJ o'zining yuqori sifatli Qo'shrabot mayizlari bilan ishtirok etdi.

Forumdagi asosiy maqsad mahsulotlar uchun halol sertifikatini qo'lga kiritish hamda xorijiy importyor va hamkorlar bilan aloqalarni kengaytirishdan iborat. Tadbir davomida arab hamkorlar Qo'shrabot mayizining ta'mi va sifatiga yuqori baho berib, uni “tillaga teng” mahsulot sifatida e'tirof etishgan.

Mazkur ishtirok korxonaning xalqaro bozordagi o'rnini mustahkamlash, eksport salohiyatini oshirish va milliy mahsulotimizni jahon miqyosida targ'ib qilishga xizmat qilishi shubhasiz.