Саудия Арабистонининг Макка шаҳрида ўтказилаётган “Макка Ҳалал Форум” халқаро тадбирида “Қўшработ Агро Стар” МЧЖ ўзининг юқори сифатли Қўшработ майизлари билан иштирок этди.

Форумдаги асосий мақсад маҳсулотлар учун ҳалол сертификатини қўлга киритиш ҳамда хорижий импортёр ва ҳамкорлар билан алоқаларни кенгайтиришдан иборат. Тадбир давомида араб ҳамкорлар Қўшработ майизининг таъми ва сифатига юқори баҳо бериб, уни “тиллага тенг” маҳсулот сифатида эътироф этишган.

Мазкур иштирок корхонанинг халқаро бозордаги ўрнини мустаҳкамлаш, экспорт салоҳиятини ошириш ва миллий маҳсулотимизни жаҳон миқёсида тарғиб қилишга хизмат қилиши шубҳасиз.