+30c

Osmono‘par binolar: Xitoy rekordchi, Evropa esa Osiyodan ancha orqada

Ko‘pgina shaharlar uchun baland va chiroyli binolar tashrif qog‘ozi sanaladi. Bunga Dubayni misol qilib keltirish mumkin. Osmono‘par binolar insoniyat muhandisdik qudrati, meʼmorchilik cho‘qqisi va iqtisodiy taraqqiyotining muhim ramzi hisoblanadi. XIX asr oxirida paydo bo‘lgan bunday inshootlar bugungi kunga kelib megapolislar qiyofasini tubdan o‘zgartirib yubordi. Ular dastlab AQSh shaharlarida ko‘plab qad rostlagan, keyinchalik bu tendentsiya Osiyoga ko‘chdi. Yangi asrga kelib, Xitoy va Yaqin Sharqdagi boy arab davlatlari baland binolar barpo etishda G‘arbni ortda qoldirdilar. Hozirga kelib, osmonga bo‘ylashgan inshootlarning ko‘pchiligi aynan Osiyo qitʼasiga to‘g‘ri keladi.