Тошкентда дзюдо бўйича ёшлар жаҳон чемпионатининг очилиш маросими бўлиб ўтди

Унда Халқаро дзюдо федерацияси президенти Мариус Визер, Ўзбекистон Республикаси Президентининг спорт бўйича вакили Одил Абдураҳмонов, спорт вазири Адҳам Икрамов, Миллий олимпия қўмитаси раиси биринчи ўринбосари Отабек Умаров ҳамда бир қатор хорижий давлатлар спорт соҳаси раҳбарлари иштирок этди.


Маросимда Озарбайжон, Грузия ва Қозоғистоннинг спорт соҳасига масъул вазирлари ҳам қатнашди. Меҳмонлар мусобақанинг аҳамияти, Ўзбекистонда спортни ривожлантириш борасида амалга оширилаётган ишлар ҳақида фикр билдирдилар.


Таъкидланганидек, Ўзбекистон илк бор дзюдо бўйича айнан ёшлар ўртасидаги Жаҳон чемпионатига мезбонлик қилмоқда. Мусобақага тайёргарлик ва ташкилий ишлар юқори савияда ташкил этилгани алоҳида қайд этилди.




Тантанали очилиш маросимидан сўнг кун дастуридан ўрин олган кечки беллашувлар ғолиб ва совриндорларини тақдирлаш маросими ҳам ўтказилди.






