Айниқса, қуйидаги йўналишларда бу ҳолат яққол сезилади:

1. Гул сотувчилар
Байрам арафасида гул бозори анча жонланади. Айниқса атиргул, лола ва бошқа баҳорий гулларга талаб кескин ортиб кетади. Натижада баъзан гуллар нархи 2–3 бараваргача қимматлашди. Масалан, Андижонда Лоланинг нархи байрам арафаси ва байрам куни 20 минг сўмдан ошиб кетди. Шу сабабли флористлар ва гул дўконлари эгалари учун 8 март йилнинг энг сердаромад кунларидан бири ҳисобланади.

2. Совға ва ширинлик дўконлари
Бу кунда шоколад, парфюмерия, косметика, сувенир ва турли хил совғалар савдоси ҳам анча фаоллашади. Кўплаб дўконлар байрам муносабати билан махсус акциялар ва чегирмалар эълон қилиб, харидорларни жалб этишга ҳаракат қилади.

3. Ресторан ва кафелар
8 март куни кўпчилик ўз яқинларини, онаси ёки турмуш ўртоғини ресторан ёки кафега таклиф қилишни афзал кўради. Шу боис умумий овқатланиш муассасаларида ҳам мижозлар сони одатдагидан анча кўп бўлади.

Бир сўз билан айтганда, 8 март нафақат байрам, балки иқтисодиётда пул айланмасини жадаллаштирувчи ва айрим соҳалар фаолиятини “уйғотувчи” кучли иқтисодий катализатор сифатида ҳам намоён бўлади. Бу эса тадбиркорлар учун қўшимча имконият ва даромад манбаини яратади.