Турагентлик фаолияти учун лицензия бекор қилинади
Парламент Қуйи палатасининг навбатдаги мажлисида Адлия вазирлиги томонидан ишлаб чиқилган «Лицензиялаш, рухсат бериш ва хабардор қилиш тартиб-таомиллари янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги қонун лойиҳаси муҳокамаси бўлиб ўтди.
Ушбу қонун билан 12 турдаги лицензия ва рухсатномалар бекор қилинмоқда. 3 турдаги лицензия хабарнома шаклига ўтказилмоқда.
Жумладан, эндиликда Турагентлик фаолиятини амалга ошириш учун лицензия олиш тартиби бекор қилиниб, унинг ўрнига Турагентлик фаолиятини бошлаганлик ёки тугатганлик ҳақида хабарнома юбориш тартиби жорий этилади.
Қонун лойиҳасининг қабул қилиниши лицензия ва рухсат бериш соҳасидаги бюрократик ҳолатларни бартараф этишга хизмат қилади.
Эслатиб ўтамиз, мазкур Қонун лойиҳаси Сенат томонидан маъқулланиб, Ўзбекистон Республикаси Президенти томонидан имзолангач ва қонунда белгиланган тартибда расмий манбаларда эълон қилингач, юридик кучга эга бўлади.
Долзарб мавзулар
Mақолага баҳо беринг
0/50
0
0
0
0