Ёпиқ қозон ёпиғлигича қолмади
Д. Рўзиеванинг собиқ турмуш ўртоғи давлат ишида ишлайди. Шунга қарамай, икки йил давомида фарзандининг алименти учун меҳнат таътили пулидан кам миқдорда тўлаб келган. Эҳтимол, у ёпиқ қозон ёпиғлигича қолади, деб ўйлагандир. Аммо адолат устуворлигини таъминлаб турувчи қонунлар борлигини ва ҳар бир мурожаат эътибордан четда қолмаслигини Рўзиеванинг собиқ турмуш ўртоғи хаёлига ҳам келтирмаган.
Кунларнинг бирида Д. Рўзиева Ўзбекистон касаба уюшмалари Федерациясининг “Хотин-қизлар муаммолари бўйича 1211 ишонч телефони”га (Call-center) мурожаат қилди. У ўз мурожаатида собиқ турмуш ўртоғи билан беш йилдан бери бирга яшамаслигини, бир нафар фарзанди борлигини ҳамда турмуш ўртоғи меҳнат таътилига чиққан пулини сўнгги икки йил давомида кам миқдорда тўлаб келаётганини таъкидлаган.
Мазкур мурожаат касаба уюшмалари томонидан назоратга олиниб, Мажбурий ижро бюроси Навоий вилояти бошқармаси билан ҳамкорликда ўрганилди. Кўрилган чора-тадбирлар натижасида фуқарога 4. 825. 031 сўм пул маблағи тўлиқ тўлаб берилиши таъминланди.
Ушбу ҳолат хотин-қизларнинг ҳуқуқ ва манфаатларини ҳимоя қилиш, уларнинг муаммоларига амалий ечим топишда 1211 ишонч телефони самарали механизм эканини яна бир бор тасдиқлади.
Умид Худойқулов
Mақолага баҳо беринг
0/50
0
0
0
0