Ushbu savolga O'zbekiston kasaba uyushmalari Federatsiyasi Samarqand viloyat kengashi mehnat huquq inspektori Ulug'bek G'aniev javob beradi:

– Buning uchun I va II guruh nogironligi bo'lgan shaxslar ularga pensiya tayinlanganidan keyin mehnat faoliyatlarini davom ettiririb, kamida 1 yil ish stajiga ega bo'lishlari lozim. Shundan so'ng, mazkur toifa shaxslarning ish stajlari va ish haqlari to'g'risidagi ma'lumotlar Pensiya jamg'armasi tomonidan tegishli tashkilotlarning axborot tizimidan olinib, avtomatik ravishda pensiya miqdorlari qayta hisoblanadi.

Nogironlik pensiyasi miqdori oshirilgan taqdirda, pensionerning telefon raqamiga bu haqida SMS-xabarnoma yuboriladi. Telefon raqami nomida bo'lmagan pensionerlarga bu haqida pochta xizmati orqali xabar yetkaziladi.

Qonunchilikda I va II guruh nogironligi bo'lgan shaxslarning pensiya miqdorlari har 2 yilda qayta hisoblab chiqilishi belgilab qo'yilgan.