Агар шундай хаёлда бўлсангиз биз бугун пойтахтимизнинг Янгиҳаёт туманида очилган Ўзбекистон республикаси миллий касб-ҳунар академияси ҳақида маълумот берамиз. Бу ерда етти ёшдан етмиш ёшгача бўлган юртдошларимиз бепул касб-ҳунар ўрганишмоқда.

– 12 ёшдаман, – дейди маҳорат билан ип ва нинани қўлларида ўйнатиб тўқиётган тўгарак аъзоси Хадича Нодиржонова. – 2 йилдан бери шу ҳунарни ўрганаяпман. Аввалига ўрганишни бошлаганимда қўлимдан келишига ишонмагандим. Аммо бугун шу ҳунар туфайли вақтим қандай тез ўтиб кетганини билмайман, ортиқча хаёлларга вақтим йўқ.

Ҳаттоки тўқиган нарсаларимни сотишга ҳам улгураяпман. Биринчи ишимни кўргазмага борганимда 300 минг сўмга сотганман ва унга яна хом-ашё сотиб олганман. Кўргазмалардаги иштироким учун «Ташаккурнома» ҳам беришган. Уни онамга олиб борганимда «Сен билан фахрланаман!» дегандилар. Келгусида ўзимнинг тўқиш гуруҳимни очиб, янги ва кўп лойиҳалар устида ишламоқчиман.

Зебо НАМОЗОВА,
Қувонч ТЎРАЕВ,
Ishonch.uz