Экологик фаол касаба уюшмаси жамоалари тақдирланди
Касаба уюшмалари кунига бағишланган тантанали маросимда атроф-муҳит муҳофазаси ва экологик ташаббусларни қўллаб-қувватлашда фаоллик кўрсатган меҳнат жамоалари эътироф этилди.
Тошкентдаги Федерация Конгресс холлида ўтаётган тақдирлаш маросимида «Экологик фаол касаба уюшмаси жамоаси» танлови ғолиблари ҳам муносиб рағбатлантирилди.
Танлов натижаларига кўра, биринчи ўрин Кимё ва фармацевтика саноати ходимлари касаба уюшмаси Республика кенгаши тизимидаги «Биринчи резинотехника заводи» МЧЖ жамоасига насиб этди.
Иккинчи ўрин «Олмалиқ кон-металлургия комбинати» АЖ ходимлари касаба уюшмаси кенгаши тизимидаги Саноат темир йўл транспорти бошқармаси жамоасига берилди.
Учинчи ўрин эса Энергетика, нефт-газ ва геология ходимлари касаба уюшмаси Республика кенгаши тизимидаги «Ўзбекнефтегаз» АЖ Бухоро нефтни қайта ишлаш заводи жамоасига насиб қилди.
Мазкур танлов меҳнат жамоаларида экологик маданиятни юксалтириш, табиатга масъулиятли муносабатни шакллантириш ҳамда атроф-муҳитни асрашга қаратилган ташаббусларни рағбатлантиришга хизмат қилади.
