Ходим яқин қариндошларидан кимга сиҳатгоҳга йўлланма олиб бериши мумкин?
Савол: Иш жойимдан акам ёки опам учун санаторийга йўлланма олсам бўладими?
Ушбу саволга Ўзбекистон касаба уюшмалари Федерацияси Фарғона вилояти кенгашининг Ижтимоий суғурта бўлими етакчи мутахассиси Хилола Мамазияева жавоб берди.
Айнан шу савол билан жуда кўп мурожаат қилишади. Лекин йўлланма олишнинг ҳам тартиб-қоидалари мавжуд.
Ўзбекистон касаба уюшмалари Федерацияси Кенгашининг 2013 йил 26 январдаги 9-24 сонли раёсат йиғилиши қарори билан тасдиқланган “Ижтимоий суғурта бюджети маблағлари ҳисобидан санаторийларга йўлланмаларни режалаштириш, чиқариш, тақсимлаш, сотиш, бериш, ҳисобга олиш ва ҳисоботини юритиш тартиби тўғрисида”ги Йўриқномага асосан, касаба уюшмалари маблағлари ҳисобидан соғломлаштириш йўлланмалари корхона ва ташкилотларда ишловчи шахсларга 2 йилда бир маротаба жойлардаги касаба уюшма қўмиталарининг қарорларига асосан ажратилади.
Сиҳатгоҳларда дам олиш учун касаба уюшмаси аъзолик бадаллари ҳисобидан сотиб олинган йўлланмалар ўрнатилган тартибда ходимларнинг оила азолари (ота-она, турмуш ўртоғи ва фарзандлари)га қисман тўлов асосида берилиши мумкин. Аниқроқ қилиб айтганда, ходимнинг ака-ука ёки опа-сингиллари бундан мустасно.
Mақолага баҳо беринг
0/50
0
0
0
0