Ba'zida tarmoqlarga shunday sho'g'ng'ib ketamizki, ko'p vaqtimiz o'tib ketganini bilmay qolamiz. Yohud, ayrim onalar misolida olsak, farzandlarimizni e'tiborsiz qoldirib ayrim xatoliklarga yo'l qo'yamiz.

Kuni kecha farzandimni bolalar o'yingohiga olib bordim. U yerda uch yoshli qizaloqning qo'li og'ir jarohatlandi. Onasi telefonda video ko'rish bilan ovra bo'lgan paytda bolajon yaralandi. O'sha tarmoqlardagi videolarni tomosha qilishga sarflagan vaqtimizni farzandlarimizga e'tiborli bo'lib, nazorat qilsak bunday baxtsiz hodisalar bo'lmaydi. Xalqimizda “Qush uyasida, ko'rganini qiladi”, degan naql bor. Farzandlarimiz bizni doimo telefon tutgan, ko'p foydalanayotgan holda ko'raversa, ular ham shu muhitda ulg'ayib, biz qilgan ishni takrorlaydi. Bolalarimiz bizning qo'limizda telefon emas, kitob ko'rib ulg'aysa, manfa'atli bo'ladi.

Maftuna XUShBOQOVA,
O'zJOKU talabasi.