Шу боис “Жалолиддин Мангуберди – буюк ватанпарвар саркарда” рисоласининг қўлимизга етиб келиши тасодиф эмас, балки замоннинг ўзи юклаган маънавий заруратдир.

Ўзбекистон Республикаси Фанлар академияси Хоразм Маъмун академияси томонидан тайёрланган ушбу нодир асар – давлатимиз раҳбарининг олимлар ва ёш тадқиқотчилар билан учрашуви давомида берган топшириқлари асосида юзага келди. Миллий қаҳрамонларимиз меросини тарғиб этиш борасидаги ушбу ташаббусга Ўзсаноатқурилишбанк ҳам бефарқ қолмади. Банк раҳбарияти саъй-ҳаракати билан рисола 200 нусхада чоп этилиб, муассасанинг барча ҳудудий тармоқлари ва бошқармаларига тақсимот асосида етказиб берилди. Бу – банкнинг молиявий вазифалари билан бир қаторда, ўз маънавий миссиясини ҳам теран англаб етганидан далолат беради.

Тарихий жасорат ва замонавий бошқарув уйғунлиги

Ҳар сафар Жалолиддин Мангуберди номи тилга олинганда кўз олдимизда Ватан озодлиги йўлида мислсиз жасорат кўрсатган буюк саркарда сиймоси гавдаланади. Унинг ҳаёти ҳар бир юртдошимиз учун ғурур, ёшлар учун ибрат, соҳа мутахассислари учун эса ўзига хос ҳаёт мактабидир.

Рисолани мутолаа қилган банк ходимлари қаҳрамоннинг энг мураккаб даврлардаги букилмас иродаси, тезкор ва адолатли қарорлари, жамоани бирлаштира олиш салоҳияти замонавий менежментнинг асосий тамойиллари билан ҳамоҳанг эканини теран ҳис этмоқдалар. Зеро, банк тизими – бу нафақат рақамлар ва ҳисоб-китоблар оламини, балки юксак масъулият, тезкорлик ва профессионал хизмат кўрсатиш маҳоратини ҳам қамраб олади. Стрессли вазиятларда тўғри қарор қабул қилиш, инқирозли ҳолатларда жамоани жипслаштириш, мижоз ишончини оқлаш – буларнинг барчаси айни Жалолиддин Мангуберди тимсолида яққол намоён бўлади.

Корпоратив маданиятнинг янги мезони

Асарни мутолаа қилиш жараёнида банк ходимлари:

• тарихий воқеаларни таҳлил қилиш орқали мантиқий тафаккур доирасини кенгайтирмоқда;
• бой адабий тил намуналаридан баҳраманд бўлиб, нутқ ва мижозлар билан мулоқотмаданиятини юксалтирмоқда;
• миллий қаҳрамон тимсолида бирлашиш, умумий мақсад йўлида ҳамкорлик туйғусини мустаҳкамламоқда;
• юртга, касбга ва жамоага садоқат каби олий фазилатларни қалбларига сингдирмоқда.

Мухтасар қилиб айтганда, Жалолиддин Мангуберди рисоласи ўтмишни бугун билан, маънавиятни эса касбий салоҳият билан бирлаштирувчи ноёб манбадир. У ҳар бир ходимнинг қалбида ватанпарварлик туйғусини уйғотиб, эртанги муваффақиятлар учун мустаҳкам маънавий замин ҳозирламоқда.

Ўзсаноатқурилишбанк раҳбарияти томонидан амалга оширилган ушбу хайрли ташаббус банк жамоасининг маънавий салоҳиятини юксалтиришга қаратилган стратегик қадамдир. Зеро, чуқур билимли, кенг дунёқарашли, ватанпарвар руҳдаги ходим – ҳар қандай ташкилотнинг энг ишончли таянчидир.