Ўзбекистон мустақиллик байрами АҚШда ҳамкенг нишонланмоқда
Ўзбекистон мустақиллигининг 35 йиллиги нафақат мамлакатимизда, балки дунёнинг турли нуқталарида истиқомат қилаётган юртдошларимиз учун ҳам муҳим сана сифатида кенг нишонланмоқда.
Бу йилги Мустақиллик байрами муносабати билан хорижий давлатларда Ўзбекистоннинг миллий қадриятлари, давлат рамзлари ва бой маданиятига бўлган эътиборнинг намоён этилаётгани алоҳида аҳамият касб этади.
Хусусан, АҚШнинг йирик шаҳарлари қаторида Sietl’да ҳам Ўзбекистон Мустақиллиги куни муносабати билан ўзига хос рамзий тадбирлар ташкил этилди. Шаҳарнинг таниқли масканларида Ўзбекистон давлат байроғининг намойиш этилиши мамлакатимиз миллий байрамига халқаро майдонда кўрсатилаётган ҳурматнинг ёрқин ифодасига айланди.
Elliott кўрфази соҳилида жойлашган Bell Harbor халқаро конференциялар марказида Ўзбекистон давлат байроғи АҚШ ва Канада байроқлари қаторида кўтарилди. Шунингдек, шаҳарнинг машҳур диққатга сазовор масканларидан бири –Seattle Great Wheel Ўзбекистон байроғи рангларида ёритилди.
Бу каби рамзий ташаббуслар икки давлат халқлари ўртасидаги дўстона алоқалар, ўзаро ҳурмат ва ҳамкорликнинг янги босқичга кўтарилаётганини ифодалайди.
Дилдора ДЎСМАТОВА
Долзарб мавзулар
Mақолага баҳо беринг
0/50
0
0
0
0