«Яшил маҳалла» лойиҳаси доирасида маҳаллаларга ўрмончи-мураббий бириктирилади
«Яшил макон» умуммиллий лойиҳасини амалга оширишда маҳаллалар ролини кучайтириш ва ҳудудларнинг яшиллик даражасини оширишга қаратилган Президент фармони (ПФ–206-сон, 23.09.2026 й.) қабул қилинди.
Унга кўра, 1 октябрдан республикада тозалик ва озодалик бўйича 2 ойлик ўтказилади. Бу даврда яшил ҳудудларни белгилаш, ерларни тайёрлаш ҳамда кўчат ва буталар захирасини яратиш чоралари кўрилади.
Кўчат экиш мавсуми:
— 1 ноябрдан — Қорақалпоғистон ва Хоразмда;
— 5 ноябрдан — Бухоро ва Навоийда;
— 10 ноябрдан — Андижон, Жиззах, Самарқанд, Сирдарё, Наманган, Тошкент, Фарғона ва Тошкент шаҳрида;
— 20 ноябрдан — Сурхондарё ва Қашқадарёда бошланади.
2027 йил 1 январдан «Яшил маҳалла» лойиҳаси доирасида «Маҳаллани яшиллаштириш» пакети жорий этилади.
Шунингдек, маҳаллаларга Ўрмон агентлиги томонидан ўрмончи-мураббий бириктирилади. «Маҳалла еттилиги» аъзолари ҳар экиш мавсуми олдидан ушбу мураббийлар томонидан бир марта қисқа ўқув курсларида ўқитилади.
