Айрим таълим муассасалари ходимларига иш стажи учун 120 фоизгача устама белгиланди

Адлия вазирлиги Ижтимоий ҳимоя миллий агентлиги тизимидаги айрим таълим муассасалари ходимларининг меҳнатга ҳақ тўлаш шартларини рўйхатдан ўтказди.

09:40 | 18.11.2026
•
165
Айрим таълим муассасалари ходимларига иш стажи учун 120 фоизгача устама белгиланди
Катталаштириш

Ҳужжат 2026 йил 16 ноябрда 3975-сон билан расмийлаштирилган.
Унга мувофиқ, қуйидаги муассасаларнинг бош ҳисобчилари, етакчи ҳисобчилари, ҳисобчилари ва кадрлар бўйича инспекторлари учун тариф разрядлари ҳамда кўп йиллик меҳнат стажига қараб ойлик устамалар белгиланди:

Реабилитация марказига эга кўп тармоқли давлат ихтисослаштирилган мактабгача таълим ташкилотлари;
▪️ Кўп тармоқли ихтисослаштирилган ва қўшма турдаги мактабгача таълим ташкилотлари;
▪️ Экспериментал мактабгача таълим ташкилотлари;
▪️ Ихтисослаштирилган мактаблар;
▪️ Кўп функционал инклюзив-ресурс мактаблар;
▪️ Кўп тармоқли мактаблар ва мактаб-интернатлар;
▪️ Ихтисослаштирилган мактаб-интернатлар;
▪️ Махсус техникумлар;
▪️ Кўп функционал инклюзив-ресурс марказлари.

Меҳнат стажига қараб лавозим маошига нисбатан ҳар ойлик устама қуйидагича тўланади:
— 1 йилдан 3 йилгача — 30 фоиз;
— 3 йилдан 5 йилгача — 60 фоиз;
— 5 йилдан 10 йилгача — 80 фоиз;
— 10 йилдан 15 йилгача — 100 фоиз;
— 15 йил ва ундан ортиқ — 120 фоиз.

МАҚОЛАНИ УЛАШИШ
Instagram

Мақолага муносабат

Биринчи бўлиб овоз беринг

Фикрлар ва Муҳокама (0)

Одоб-ахлоқ қоидаларига риоя қилинг
Изоҳлар админ модерациясидан сўнг сайтда кўринади