Йўлларда жонингизни хатарга қўйманг!
Кун сайин йўлларда юриш қўрқинчли ва хавфли бўлиб бормоқда. Ҳар куни ижтимоий тармоқлар ва телеграм каналларда даҳшатли аварияларни кўраямиз.
Қаердадир учар ҳайдовчиларнинг тезликни ошириши кимнингдир ширин ҳаётига нуқта қўяётган бўлса, айрим пайтларда пиёдалар белгиланмаган жойлардан ўтаётганида ҳалокат билан юзлашмоқдалар.
Андижон вилоятининг Асака туманида бўлган воқеа, деб ёзилаётган мана бу ҳолатда ҳам йўловчиларнинг белгиланмаган жойдан ўтаётганига гувоҳ бўлишимиз мумкин.
Ҳурматли ҳайдовчилар, тезликни ошириб ўзингизнинг ҳам бошқаларнинг ҳам ҳаётини хавфга қўйманг.
Азиз пиёдалар, белгиланмаган жойлардан ўтишга ошиқманг. Узоқроқ бўлса-да, пиёдалар учун белгиланган ўтиш жойларидан юринг. Жонингиз битта. Уни хатарга қўйманг. Йўлларда ҳушёр ва огоҳ бўлинг!
Эсингизда бўлса, ўтган йили Президентимиз йўл ҳаракатини тартибга солиш, кўчаларда одамлар хавфсиз юриши, пиёдалар қулай ўтиши учун тегишли жойларни махсус белгилар билан белгилаш, светофорлар ўрнатиш масаласида соҳа масъуллари билан катта видеоселектор йиғилиши ўтказиб, мутасаддиларни бу борадаги ишлар қониқарли олиб борилмаётгани туфайли қаттиқ танқид қилганди. Ҳар куни юз бераётган автоҳалокатлардан маълумки, бу борада вазият яхши томонга ўнглангани йўқ.
Ishonch.uz
Mақолага баҳо беринг
0/50
0
0
0
0