Форум доирасида хориж инвесторлари учун “Қамбарота ГЭС-1” лойиҳаси тақдимоти ўтказилди
Аввалроқ ушбу ГЭСнинг қурилиши борасида Ўзбекистон ҳукумати икки қўшниси билан Шартнома имзолаган эди.
Бугун, 2 май куни Тошкент шаҳридаги Халқаро конгресс марказида учинчи Тошкент халқаро инвестиция форуми доирасида Ўзбекистон ва Қирғизистон Бош вазирлари томонидан хорижий инвесторлар учун “Қамбарота ГЭС-1” инвестиция лойиҳаси бўйича тақдимот ўтказилди.
Тақдимотда Қозоғистон, Тожикистон, Россия, Хитой, Европа Иттифоқи мамлакатлари, АҚШ, Саудия, Туркия, БАА, Қатар, Ҳиндистон, Уммон, Жанубий Корея, Қувайт давлатларидан ҳукуматлар вакиллари ва команиялар раҳбарлари, халқаро ташкилотлар ҳамда молия муассасаларидан делегациялар иштирок этди.
Тадбирда Ўзбекистон ҳамда қўшни мамлакатлар билан ҳамкорлик алоқалари, ҳар томонлама стратегик шериклик ҳамда иттифоқчилик ривожланиб бораётгани алоҳида қайд этилди.
Тақдимотда Қирғизистон ва Қозоғистон билан биргаликда “Қамбарота-1” гидроэлектр станцияси лойиҳасини амалга ошириш режаси ҳақида батафсил маълумот берилди.
Эслатиб ўтамиз, “Қамбарота-1” гидроэлектр станцияси Ўзбекистон, Қозоғистон ва Қирғизистон ҳамкорлигида қурилади ва бунда уларнинг улуши, мос равишда – 33, 33 ва 34 фоиздан бўлади.
У Қирғизистоннинг Норин дарёси бўйида жойлашади.
ГЭС-1 Қирғизистондаги энг йирик электрстанцияга айланиши ва Марказий Осиё мамлакатларини электр энергияси билан таъминлаши кутилмоқда.
Долзарб мавзулар
Mақолага баҳо беринг
0/50
0
0
0
0