АҚШ Фаластинни БМТга қабул қилишга қарши чиқди
Бу ҳақдаги ҳужжатни Хавфсизлик кенгашининг 12 аъзоси жумладан Россия ва Хитой Фаластинни қўллаб-қувватлаган.
Қўшма Штатлар Фаластинни БМТга тўлақонли аъзо сифатида қабул қилиш резолюциясини блоклади. АҚШ ташкилот Хавфсизлик кенгаши йиғилишида вето ҳуқуқидан фойдаланган.
«Қўшма Штатлар фаластинликларга нисбатан ҳақиқий муносабатини мана шундай намойиш этди – Вашингтон учун Фаластин халқи ўз давлатига эга бўлиш ҳуқуқига эга эмас, балки Исроил манфаатларини рўёбга чиқариш йўлидаги тўсиқдир», – дейди Россиянинг БМТдаги доимий вакили Василий Небензя.
Ҳужжатни Хавфсизлик кенгашининг 12 аъзоси жумладан Россия ва Хитой Фаластинни қўллаб-қувватлаган, Швейцария ва Буюк Британия бетараф қолган.
Эслатиб ўтамиз, Жазоир томонидан киритилган ҳужжатга кўра, Фаластин БМТнинг тўлақонли аъзосига айланиши керак эди.
Фаластин айни дамда БМТда доимий кузатувчи мақомига эга.
Вашингтоннинг фикрича, Фаластиннинг БМТга тўлиқ асосда кириши фақат Фаластин-Исроил можароси ҳал этилгандан кейингина мумкин.
Долзарб мавзулар
Mақолага баҳо беринг
0/50
0
0
0
0