Ахир рақиб ким эди? Portugal national football team — жаҳон футболидаги энг кучли терма жамоалардан бири. Уларнинг сафида футбол тарихининг тирик афсоналаридан бири — Cristiano Ronaldo бор. Унинг ёнида ҳам юқори савияли футболчилар тўп сурмоқда. Бундай рақибга қарши майдонга чиқишнинг ўзи катта жасорат талаб қилади.

Лекин бугун ўзбек йигитлари ҳам характер кўрсатди. Улар охиригача курашди, таслим бўлмади, ҳар бир тўп учун жанг қилди. Бу жамоа илк бор жаҳон чемпионати саҳнасига чиққан бўлса-да, ўзини йўқотиб қўймади. Абдуқодир Ҳусанов, Аббосбек Файзуллаев ва бошқа йигитлар дунёнинг энг кучли футболчиларига қарши майдонда муносиб кураш олиб боришди. Бу эса келажак учун беқиёс тажриба демакдир.

Унутмайлик, катта жамоалар ҳам бир кунда қурилмаган. Бугунги Португалия ҳам бир вақтлар орзу қилган, мағлуб бўлган, сабоқ олган. Бугунги Ўзбекистон терма жамоаси эса эндигина жаҳон футболи элитаси эшигини тақиллатмоқда. Ҳар бир ўйин, ҳар бир дақиқа, ҳар бир хатодан келажак ғалабалари учун пойдевор қурилмоқда.

Шунинг учун бугунги ўйиндан кейин бошни эгиш эмас, аксинча кўтариш керак. Чунки Ўзбекистон терма жамоаси нафақат ўз рақибига қарши, балки миллионлаб мухлисларнинг орзу-умидлари учун ҳам курашди.

Ҳисоб мағлубиятни кўрсатиши мумкин. Аммо жасорат, матонат ва орзуга содиқлик — бугун Ўзбекистонники бўлди. Олға, Ўзбекистон! Бугунги тажриба эртанги ғалабаларнинг бошланиши.

Умид Худойқулов