15 июнь – Озарбайжонда миллий нажот куни. Нафақат байрам, балки дам олиш куни ҳам ҳисобланади. Бунинг ўзига хос тарихи бор. Гап шундаки, 1993 йил июнь ойида Озарбайжонда юзага келган мураккаб ижтимоий-сиёсий вазият фуқаролар урушига олиб келиши мумкин эди.

Ўша пайтда Ганжада жойлашган 709-сонли ҳарбий қисм Мудофаа вазирлигига бўйсунишдан бош тортди. Қўзғолонни бостириш учун ҳукумат Ганжага қўшин юборди. Бироқ, мамлакат раҳбариятининг ноўрин сиёсати туфайли қўзғолон авж олди ва назорат қилиб бўлмайдиган даражага етди. Қўзғолончи ҳарбий қисмлар Ганжадан пойтахтга кўчиб ўтди, қўзғолонга бошчилик қилганлар ҳукумат ўзгаришини талаб қилишди.

Фуқаролар уруши жиддий хавфи юзага келган вазиятда муаммо янада ривожланишининг олдини олмаганликларини англаган Халқ фронти (ХФФ) ва Мусават партиясининг расмийлари сўнгги дақиқада Ҳайдар Алиевдан ёрдам сўраб мурожаат қилди. Таниқли жамоат ва сиёсий арбоб, ўша пайтдаги Озарбайжон Нахчивон Автоном Республикаси (НАР) Олий Кенгаши раиси Ҳайдар Алиев халқ ва республика раҳбариятининг шошилинч таклифини қабул қилди ва 9-июнь куни Бокуга учиб кетди. Мамлакатни фуқаролар урушидан қутқариш вазифасини ўз зиммасига олган сиёсатчи ҳаётини хавф остига қўйиб, Ганжага йўл олди. Музокаралар натижасида у Озарбайжонда фуқаролар низоларининг олдини олишга муваффақ бўлди.

1993 йил 15 июнда Ҳайдар Алиев Озарбайжон Республикаси Олий Кенгаши раиси этиб сайланди. Шу пайтдан бошлаб Озарбайжоннинг замонавий тарихида яна бир муваффақиятли ривожланиш босқичи бошланди. Бу босқич бугунги кунгача давом этмоқда. 15 июнь Озарбайжон тарихига миллий нажот куни сифатида муҳрланди.

1998 йилдан бери 15 июнь миллий байрам сифатида нишонланиб келинмоқда ва ишламайдиган кун ҳисобланади.