Bloomberg: Навоийда олтин ишлаб чиқариш кескин ошириляпти
Bloomberg нашрининг ёзишича, Навоий кон-металлургия комбинати (НКМК) келгуси беш йил ичида олтин ишлаб чиқариш ҳажмини 30 фоизга оширишни режалаштирмоқда. Қайд этилишича, бу қадам компаниянинг дунёдаги етакчи олтин ишлаб чиқарувчилар орасидаги мавқеини янада мустаҳкамлайди.
Маълумотларга кўра, НКМК 2030 йилга келиб 4 миллион унция олтин ишлаб чиқаришни режалаштирган. Бу режа 2025 йилда бошланган ривожлантириш дастури доирасида амалга оширилади. Дастур ҳар йили 600 миллион долларгача инвестиция киритишни назарда тутади.
Компания 2024 йилда 3,1 миллион унция олтин ишлаб чиқариб, ўзининг илгариги режасини бажарган ва шу билан Россиянинг Polyus PJSC компаниясидан ўзиб, жаҳондаги тўртинчи йирик ишлаб чиқарувчига айланган.
НКМК, шунингдек, Лондон ва Тошкент фонд биржаларида IPO (оммавий акция чиқариш) ўтказиш имкониятини кўриб чиқмоқда. Бу жараёнда компания Citigroup Inc., Morgan Stanley ва JPMorgan Chase & Co. банклари билан ҳамкорлик қилмоқда. Bloomberg манбаларига кўра, НКМК 20 миллиард доллар атрофида баҳоланиши мумкин.
Компаниянинг янги ривожланиш дастури доирасида Мурунтау очиқ конини кенгайтириш ҳамда йилига 30 миллион тонна руда қайта ишлаш қувватига эга янги корхона қуриш режалаштирилган.
Долзарб мавзулар
Mақолага баҳо беринг
0/50
0
0
0
0