Savol: Turmush o'rtog'im 50 yoshda. Aravachada yuradi. Turmush o'rtog'imni parvarishlayotganim uchun menga mehnat staji hisoblanadimi?

Javob: – Qonunchilikka muvofiq, quyidagi qarab turish vaqtlari pensiya tayinlashda fuqarolar uchun mehnat stajiga hisoblanadi:

I guruh nogironligi bo'lgan shaxsga qarab turish vaqti.

80 yoshdan oshgan keksa fuqaroga qarab turilgan davr.

Bunda, I guruh nogironligi bo'lgan shaxsni yoki 18 yoshgacha nogironligi bo'lgan bolani, shuningdek, o'zgalarning parvarishiga muhtoj bo'lgan 80 yoshga to'lgan keksaga qarab turish vaqti pensiya tayinlash uchun zarur bo'lgan ish stajiga faqat qarab turgan va qarab turishga muhtoj bo'lgan shaxs bilan birga yashagan shaxslardan biriga qo'shib hisoblanadi.

Yuqoridagilardan kelib chiqib, I guruh nogironligi bo'lgan shaxsga qarab turilgan vaqt pensiya tayinlashda ish stajiga qo'shib hisoblanadi.