– ҳомиладор аёл, уч ёшга тўлмаган боласи бор аёл ёки уч ёшга тўлмаган болани ёлғиз ўзи тарбиялаётган ота (васий);

– захирага қўйиладиган иш ўринларига ишга жойлаштириш учун юборилган аҳолининг ижтимоий эҳтиёжманд тоифаларидан бўлган шахслар;

– давлат грантлари асосида ўқиган ва олий таълим ташкилотини тамомлаган кундан эътиборан уч ой ичида йўлланма бўйича олинган мутахассислигига доир ишга кираётган олий таълим ташкилотларининг битирувчилари;

– тегишли таълим ташкилотини тамомлаган кундан эътиборан бир йил ичида биринчи бор ишга кираётганда олинган мутахассислиги бўйича мустақил равишда ишга жойлашаётган умумий ўрта, ўрта махсус, профессионал ва олий таълим ташкилотларининг битирувчилари;

– ўзи билан олти ойгача муддатга меҳнат шартномаси тузилаётган ходимлар;

– ўн саккиз ёшга тўлмаган шахслар;

– ишга қайтадан қабул қилинган тақдирда иш берувчи илгари қайси ходимлар билан меҳнат шартномасини алоҳида асослар бўйича бекор қилган бўлса, ўша шахслар;

– ишлаб чиқаришда ўқитиш шартномаси бўйича ушбу иш берувчида ўқишни ўтаган ўқувчилар;

– жамоа келишувларида, шунингдек жамоа шартномасида ва иш берувчининг ички ҳужжатларида назарда тутилган бошқа ходимлар.

Демак:

– таълим муассасасини тамомлаганига 1 йилдан ошган битирувчилар ишга келса синов қўлланилади;

– хатто давлат грантлари асосида ўқиган бўлса ҳам йўлламасиз ўзи иш топиб ишга келган ходимларга умумий тартибда 1 йиллик муддат амал қилади;

– давлат грантлари асосида ўқиган, лекин 3 ойдан сўнг йўлланма билан келган ходимларга ҳам умумий 1 йиллик муддат амал қилади.

Ishonch.uz