Маҳаллада кимнинг ўрни қаерда?
ishonch.uz га савол. Маҳалла тузилмаси ҳақида тушинчаларим кам. Хусусан маҳалладаги ижтимоий ходим қандай асосий вазифаларни бажаради? Зофир Ғайбуллаев, Оқдарё тумани.
Ўзбекистон касаба уюшмалари Федерацияси Самарқанд вилоят кенгаши меҳнат инспекцияси меҳнат ҳуқуқ инспектори Улуғбек Ғаниев:
Маҳалладаги ижтимоий ходим зиммасига юклатилган асосий вазифалар қуйидагилардан иборат.
Аҳолининг ижтимоий хизмат ва ёрдамлар, шунингдек, ижтимоий иш фаолияти ҳақида хабардорлигини ошириш;
Ижтимоий ҳимояга муҳтож шахсларга ижтимоий хизмат ва ёрдамлар кўрсатишни ташкил қилиш;
Кечиктириб бўлмайдиган ҳолатларда ўз ташаббуси билан “ижтимоий иш”ни очиш, шунингдек, ижтимоий ҳимояга муҳтож шахсларнинг мурожаатига асосан “ижтимоий иш”ни очиш ҳамда индивидуал ижтимоий хизматлар режасини тузиш учун дастлабки баҳолаш ўтказиш;
Ижтимоий ҳимояга муҳтож шахсларга зарур ҳолларда қисқа муддатли индивидуал ижтимоий ёрдам режасини тузиш;
Аҳолига давлат томонидан кафолатланган ижтимоий хизмат ва ёрдамлар тўғрисида, шунингдек, аҳолининг мазкур хизматларни олишга бўлган ҳуқуқлари бўйича тушунтириш бериш;
Ижтимоий ҳимояга муҳтож шахсларга маҳалла фуқаролар йиғини раиси, ҳоким ёрдамчиси, профилактика инспектори, хотин-қизлар фаоли, ёшлар етакчиси ва бошқалар билан ҳамкорликда муаммоларни ечиш бўйича комплекс чоралар кўриш;
Ички ресурсларни, шу жумладан ижтимоий қўллаб-қувватлаш бўйича кўнгиллиларни (қариндошлар, қўни-қўшнилар, волонтёрлар) ижтимоий хизмат ва ёрдамлар кўрсатишга жалб қилиш ҳамда бу борада уларнинг фаолиятини мувофиқлаштириш;
Оилалардаги ҳақиқий ҳолатни ўрганиш, жумладан аҳолининг ижтимоий ҳимояга бўлган эҳтиёжини баҳолаш.
Mақолага баҳо беринг
0/50
0
0
0
0