Apple: Исаак Ньютондан тишланган олмагача
Apple компаниясига 1976 йилда Стив Жобс, Стив Возняк ҳамда Роналд Уэйн томонидан асос солинган. Илк Apple белгиси ҳозиргисидан бутунлай фарқ қилиб, унда Исаак Ньютоннинг олма дарахти тагида ўтиргани тасвирланган эди. Аммо бу расм компаниянинг содда ва инновацион имиджига мос эмасди. Вақт ўтиб, шериклардан бири Роналд Уэйн компаниянинг ўзи эгалик қилган 10 фоиз акциясини сотиб юборади ва ўзи ҳам компанияни тарк этади.
Шундан сўнг, янги логотип белгисини яратишга зарурат туғилади ва Стив Жобс бу ишни америкалик моҳир дизайнер Роб Яновдан илтимос қилади. Жобснинг талаби бўйича белги содда, такрорланмас ва осонгина танилувчи бўлиши зарур эди.
Янги логотип яратилиши
Логотипни яратишдан олдин Роб бир нечта олма сотиб олади ва уларга қараб эскиз чиза бошлайди. Унинг мақсади иложи борича расмни соддалаштириш эди. Ниҳоят у етти кун деганда Стив Жобсга камалак рангли тишланган олма расмини тақдим қилади. Бу уларнинг биринчи рангли дисплейли компьютерни сотувга чиқариши билан боғлиқ ранглар эди.
Нима учун олма тишланган?
Бунга жуда кўп саволлар ва тахминий фикрлар билдирилган. Бироқ, Роб бунинг сабабини оддийгина қилиб "шунчаки олманинг расмини ўта соддалаштиришим ва бошқалардан фарқли томонини кўрсатишим лозим эди" дея изоҳ беради.
1977 йилдан 1998 йилгача логотип камалак рангли олма кўринишида бўлган. Кейин унинг ранглари турли йилларда турлича кўринишга келтирилган.
Холида Эгамбердиева тайёрлади.
Долзарб мавзулар
Mақолага баҳо беринг
0/50
0
0
0
0