1 кг гўшт ва бодринг 10 миллион сўмдан – хатоликми ёки сохта битим?
Солиқ қўмитаси тадбиркорлар томонидан электрон ҳисобварақ-фактуралар (ЭҲФ) расмийлаштиришда йўл қўйилаётган қўпол хатолар ва солиқ қонунчилиги бузилиши ҳолатлари ҳақида маълумот бериб бормоқда.
Бундай ҳолатлар махсус ахборот-таҳлилий тизим орқали аниқланмоқда. У мавжуд рақамли маълумотлар таҳлили асосида ЭҲФларнинг хавф даражасини реал вақт режимида автоматик тарзда белгилаб беради.
Мисол учун, 2023 йил март ойида улгуржи савдо фаолияти билан шуғулланиш мақсадида ташкил этилган “Граф” МЧЖнинг (номи ўзгартирилган) устав жамғармаси 10 млн сўмни ташкил этган.
Мазкур корхона узоқ вақт фаолият юритмаган бўлса-да, 2025 йил октябр ойининг 6–10-саналари оралиғида ишчи кучига эга бўлмасдан, эгалигида ёки ижарада ҳеч қандай мулк ва транспорт воситалари бўлмаган ҳолда 38,5 млрд сўм (шундан ҚҚС – 4,1 млрд сўм) миқдорида турли товарлар ҳамда транспорт ва логистика хизматлари бўйича ЭҲФ расмийлаштирган.
Расмийлаштирилган ЭҲФларда 1 кг гўшт, 1 кг бодринг, 1 дона изолента ёки 1 дона подшипникнинг ҳар бири 10 млн сўмдан реализация қилинганлиги кўплаб саволларни келтириб чиқармоқда.
Аммо Солиқ қўмитаси вакилининг маълумот беришича, ЭҲФларнинг хавф даражасини аниқлаш бўйича махсус ахборот тизими тест тартибида ишламоқда ва аниқланган ҳолатлар бўйича ҳозирча ҳеч қандай чора-тадбирлар кўрилмаган
Долзарб мавзулар
Mақолага баҳо беринг
0/50
0
0
0
0