Солиқ қўмитасида блогерлар иштирокида ўтказилган очиқ мулоқотда маълум қилинишича, тизимли таҳлиллар асосида мамлакатдаги энг фаол 110 нафар блогер рўйхати шакллантирилган. Уларнинг 55 нафари ўзини ўзи банд қилган шахс, 33 нафари якка тартибдаги тадбиркор сифатида рўйхатдан ўтган. Қолган 22 нафари эса ҳеч қандай тадбиркорлик мақомисиз жисмоний шахс сифатида фаолият юритмоқда. Бу ҳолат блогерлик фаолиятининг ҳақиқий кўлами билан унинг расмий ҳуқуқий мақоми ўртасида тафовут мавжудлигини кўрсатмоқда.

Учрашувда реклама орқали олинадиган даромадларни солиққа тортиш тартиби юзасидан тушунтиришлар берилди. Шунингдек, ўзини ўзи банд қилган шахс мақоми ходим ёллаш ҳуқуқини бермаслигига қарамасдан, айрим блогерлар амалда администратор ва бошқа мутахассисларни жалб қилаётгани таъкидланди. Қўмитаси вакиллари блогерлик фаолиятини қонунчилик талабларига мувофиқлаштириш ва даромадлар шаффофлигини таъминлаш муҳим вазифалардан эканини қайд этишди.