Тадқиқотда 89 нафар катта ёшли иштирокчи бир неча ой давомида ёруғлик даражасини ўлчовчи сенсор ва уйқуни кузатувчи қурилмадан фойдаланган. Олинган маълумотлар ёруғ кунларда кўпроқ вақт ўтказган одамлар одатда эртароқ ухлаб, эртароқ уйғониши, уйқуси эса чуқурроқ бўлишини кўрсатган.

Олимларнинг таъкидлашича, кундузги ёруғлик режими барқарор бўлган инсонларда ҳам уйқу сифати юқори бўлган. Аксинча, кундузи кам ёруғликда бўлиб, кечқурун сунъий ёруғлик таъсирида кўп вақт ўтказиш биологик соат фаолиятини издан чиқариб, узоқ муддатда саломатликка салбий таъсир кўрсатиши мумкин.

Тадқиқот муаллифлари соғлом уйқу учун оддий тавсияни илгари сурмоқда: кундузи имкон қадар кўпроқ табиий қуёш нуридан баҳраманд бўлиш ва ёруғлик режимини мунтазам сақлаш тунги дам олиш сифатини сезиларли даражада яхшилаши мумкин.